ИН МЕМОРИАМ – НЕНАДЕЈНО ПОЧИНА ПЕЈЧО ИЛИЕВ
Пејчо Илиев, познатиот гевгелиски и македонски бизнисмен, основач на познатиот кафе-бренд „Паскалин“, на ладилникот и откупно дистрибутивниот центар Ледро Агро, на фирмата „БаЏо компани“, почина ненадејно од срцев удар во 53 година од животот.
Општина Гевгелија, и Македонија, со неговата прерана смрт, изгубија неуморен стопанственик, човек кој целиот свој живот го посвети на создавање на компании со кои го освојуваше пазарот со квалитетни и современи производи, модерен бизнисмен кој гевгелиската економија ја промовираше на најдобар можен начин.
Гевгеличани ќе го паметат по помагањето на голем број спортски, културни и хуманитарни настани, а Телевизија Нова 12 како долгогодишен и ценет деловен партнер. Погребот на посмртните останки на Пејчо Илиев се изврши денеска на Градските гробишта во Гевгелија во присуство на неговите најблиски, на неговите многубројни пријатели и бизнис партнери.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
