ТВ НОВА 12

Вести во Гевгелија и пошироко

ПОВТОРНО ОТВОРЕНА КОВИД БОЛНИЦАТА ВО КОЈА ВО МОМЕНТОТ СЕ ЛЕЧАТ 8 ПАЦИЕНТИ

Од петокот, 20 август 2021 година, поради зголемување на бројот на пациенти на кои им е потребно болничко лекување од Ковид-19, повторно е ставена во употреба Модуларната ковид болница во Гевгелија. Како што не информираше директорот на ОБ-Гевгелија, д-р Митко Крџев во моментот во болницата се лекуваат 8 пациенти, а тројца од нив се на кислородна подршка.
Да потсетиме дека на 1 февруари 2021 година беше ставена во употреба модуларната ковид болница во Гевгелија. Во истата се вршеше прием на пациенти позитивни и суспектни на ковид-19, тестирање со брзи и ПЦР тестови, преглед и тријажа на пациенти, третман во дневна болница и стационар се до 25 мај 2021, кога таа беше затворена откако десет дена по ред, во Гевгелија не беа регистрирани новозаболени пациенти од корона вирусот.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

Напишете коментар

Вашата адреса за е-пошта нема да биде објавена.