„МИСТЕРИОЗНА“ ИЗЛОЖБА ВО БОГДАНЦИ:СЕ ЗНАЕ ДЕНОТ И ЧАСОТ, НЕ СЕ ЗНАЕ АВТОРОТ!

По успешната изложба на Менсур Бојда – “Моите омилени нешта”, кои беа изложени 10 дена, од Домот на културата „Бранд Петрушев“ во Богданци најавуваат уште еден настан – изложба на колоритни графики на еден реномиран апстрактен уметник од странство . Ќе бидат изложени 19 дела, со димензии од 100х70 до минијатури од 10х10. И, до тука е се како што треба. Но, организаторот, на нивно барање, не замоли да не го откриваме неговото име. Значи, ако сакате да ја решите оваа мистерија, повелете, во понеделник, 23 август, во 20 часот во Домот на културата во Богданци, тогаш се ќе ви биде јасно, и кој е авторот и со какви дела ќе се соочите.