ТВ НОВА 12

Вести во Гевгелија и пошироко

ОДЛИЧЕН НАСТАП НА АНСАМБЛОТ „БОЈМИЈА“ НА ФОЛКЛОРНИОТ ФЕСТИВАЛ „ДОЈРАН 2021“

Ансамблот „Бојмија“уште еднаш пред публиката успешно го промовираше богатото македонско фолклорно наследство. Во петокот, на 16 јули, тие настапија на Меѓународниот фолклорен фестивал „Дојран 2021“. На публиката која го исполни Амфитеатарот во Стар Дојран, играорците од овој веќе афирмиран ансамбл од Гевгелија се преставија со кореографската постановка „Пијанец“ и за својот настап добија огромен аплауз на отворена сцена.
На фестивалот, кој се организираше во склоп на ИПА прекуграничната соработка помеѓу Македонија и Бугарија, освен „Бојмија“ свој настап имаа уште седум фолклорни групи, „Распеани Дојранчани“, „Бранд Петрушев“ од Богданци, „Цветови“ од Дедино, како и фолклорните ансамбли „Родољубие“, „Славеј“, „Струмски напеви“ и „Жива вода“ од Ќустендил.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

Напишете коментар

Вашата адреса за е-пошта нема да биде објавена.