ЦЕЛОВЕЧЕРЕН КОНЦЕРТ НА АНСАМБЛОТ „МАКЕДОНИЈА“ ВО ДВОРОТ НА МАНАСТИРОТ „СВЕТИ СПАС“

Реномираниот и добро познат професионален Ансамбл „Македонија“,повторно гостува во Гевгелија, на задоволство на сите вистински љубители на традиционалната македонска игра и песна. Целовечерниот концерт ќе се одржи на 21.07.2021 (среда), со почеток во 20:00 часот во дворот на манастирот Свети Спас во Гевгелија во организација на ЈОУ Дом на култура „Македонија“ и свештенството на гевгелиската парохија. Ансамблот МАКЕДОНИЈА претставува вистински репрезент на македонската традицонална култура. Формиран 2012 година, во чии состав се уметници кои се образовани кадри во доменот на традиционалните културни вредности. Исто така со Ансамблот раководат врни кадри со стручно образование во областа на традицијата под раководство на Проф. д-р Владимир Јаневски, уметнички директор и доктор по етнокореолошки науки. Сценските адаптации со кои се претставува ансамблот на големите фестивалски сцени претставуваат вистинско уживање за публиката. Ансамблот досега има реализирано над 10.000 концерти и настани ширум државата и надвор од неа.