ТВ НОВА 12

Вести во Гевгелија и пошироко

ЗАВРШИ „ON LINE“ УЧЕБНАТА 2020/2021. ТЕШКО БЕШЕ ЗА УЧЕНИЦИТЕ, ЗА НАСТАВНИЦИТЕ, А БОГАМИ И ЗА РОДИТЕЛИТЕ

Учениците од денеска одат на распуст. Заврши првата учебна година која се изведуваше под посебни услови заради пандемијата. Збогум на училиштето, наставниците и пријателите, но и на онлајн наставата. Ја нема онаа препознатлив врева во училишните дворови, весели насмевки и поздрави на учениците, но ќе има оценки за сите нив.
Учењето од далечина имаше разни потешкотии, како за наставниците, така и за учениците, a богами и за родителите. Анализите и резултатите ќе покажат колку била успешна оваа учебна година. Останува да видиме, и да се надеваме дека од септември, повторно ќе се вратат сите ученици на онаа добро позната традиционална настава во своите училници. Денеска, и во гевгелиските основни, и во средното училиште, официјално заврши учебната 2020/2021 година. Додека траеше онлајн-наставата, наставниците и учениците од гевгелиските училишта не беа спречени да постигнуваат успеси на општинско, регионално и државно ниво. Учествуваа на онлајн- натпревари, изработуваа проекти, ги одбележуваа Патроните празници и сл.
Од Комисијата за заразни болести потенцираат дека за тоа каков ќе биде стартот на новата учебна година 2021/22, ќе дискутираат во август.
-Се ќе зависи од моменталната епидемиолошка состојба во тој период. Ќе ги направиме сите потребни анализи и потоа ќе донесеме одлука. Важно е да бидеме внимтелни, бидејќи искуството од сите овие изминати месеци покажа дека се соочивме со вирус кој досега беше непознат за науката и кој беше крајно непредвидли, велат од Комисијата за заразни болести.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *