ВЕЧЕР ПОСВЕТЕНА НА НАРОДНИТЕ НОСИИ ВО СТАРАТА ГЕВГЕЛИСКА ЧАРШИЈА
Домот на културата „Македонија“, вечерва, четврток, 10 јуни 2021 година, организира несекојдневна вечер посветена на најбитниот сегмент во традиционалната култура – НОСИЈАТА. Како дел од Распеана чаршија, во самата стара градска чаршија во нашиот град ќе се одржи ревија на која ќе бидат прикажани носии од повеќе етнички предели. Музичкиот дел ќе го исполнат оркестрите и пеачките групи на ансамбл „Бојмија“ од Гевгелија и КУД „Јане Сандански“ при НУЦК „Ацо Ѓорчев“ од Неготино. Почеток е закажан во 20:00 часот!
