ТВ НОВА 12

Вести во Гевгелија и пошироко

УТРЕ ЗАПОЧНУВА ПОЛАГАЊЕТО НА ДРЖАВНАТА МАТУРА

На 5 јуни започнува полагањето на државната матура за над 15 илјади матуранти. Учениците од завршната четврта година во средното образование ќе го полагаат првиот екстерен испит по предметот мајчин јазик, како еден од четирите – два екстерни и два интерни предмети во рамки на концептот за полагање матура годинава, договорен помеѓу надлежните институции и претставниците на средношколците организации, а кој, како и досега предвидува изработка на проектна задача.
Усвоени се сите неопходни протоколи врз основа на кои матурата треба да се спроведе во услови на пандемија, а со цел да се заштити здравјето на учениците, наставниците и сите други учесници во процесот. Предвидено е во училница да бидат присутни најмногу до 15 ученици, а некаде и помалку во зависност од просторните услови. Во меѓувреме над 2000 тестатори се вакцинирани со двете дози кои значат стекнат имунитет,
Директорката на Државниот испитен центар, Елизабета Наумовска информираше дека вкупно 15.294 ученици се пријавиле за полагање државна матура, од кои 7050 се од гимназиско образование, 7.983 од средно стручно образование и 261 од средно уметничко образование. Испитните програми за предметите што се опфатени со матурата оваа година се скратени, а воедно и согласно договореното со средношколците, базените со можни прашања, стои во соопштението од МОН, им беа достапни на три недели пред полагањето на секој испит.
По полагањето на првиот задолжителен екстерен испит по мајчин јазик на 5 јуни, ќе следи и полагање на вториот екстерен испит кој е изборен. Учениците кои можеа да одберат помеѓу математика или странски јазик, наведуваа во соопштението од МОН, ќе полагаат на 11 јуни. Интерните ќе бидат организирани до крајот на јуни по распоред кој го креираат самите училишта. Проектната задача се реализираше од 15 март до 30 април. Резултатите ќе бидат објавени во рок од 30 дена од вториот екстерен испит.
– За матурантите кои на испитите на 5 и 11 јуни ќе бидат заболени од ковид-19, или ќе бидат во изолација, овозможени се дополнителни термини на 25 и 28 јуни, со приложување потврда до училишните комисии. Тие што нема да положат матура во јуни, дел или во целост, ќе имаат втора можност во августовската сесија – термините се 11 август за првиот и 13 август за вториот екстерен испит, стои во соопштението од МОН.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

Напишете коментар

Вашата адреса за е-пошта нема да биде објавена.