ТВ НОВА 12

Вести во Гевгелија и пошироко

ПOЕЗИЈА И МУЗИКА НА ЕДНО МЕСТО ВО НАРОДНИОТ ТЕАТАР – „ДА ВОДИМЕ ЉУБОВ, А НЕ ВОЈНА“ СО МАРИН БАБИЌ

На 20.06.2021 (недела), во Народниот театар- Гевгелија, со почеток во 20:00 часот во Народниот театар- Гевгелија ќе се одржи поетско-музичкиот настан „Да водиме љубов, а не војна!“ Настанот е во организација на Марин Бабиќ, а настапуваат: Огнен Јанески, Игор Узунов, Љупчо Шилоски- Шилото, Александра Трајчевска и Андријана, Светлана и Љупчо од „trio Bebuli“.
Марин Бабиќ, човекот кој ги топеше женските срца со своите романтични ноќни програми на Македонско радио, и идеен творец на „Глумците пеат“, сега со „Бебули“ прави камбек во сферата на елегантната поетска реч.
Имено, „Да водиме љубов, а не војна!“ е културен настан кој ќе биде исполнет со поезија и музика. Преку уметност ќе се испратат пораки на љубов и мир како универзални вредности, насушно потребни денес. За сите граѓани, влезот ќе биде слободен.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

Напишете коментар

Вашата адреса за е-пошта нема да биде објавена.