ТВ НОВА 12

Вести во Гевгелија и пошироко

МУЗИЧКИ ОБРАЗОВНИ СРЕДБИ-ГЕВГЕЛИЈА 2021

Во Гевгелија, вo тек е културната манифестација „Музички образовни средби – Гевгелија 2021“, во организација на ООМУ „Васо Карајанов“ – Гевгелија. Настанот опфаќа дводневна програма составена од интерактивна едукативна музичка работилница на која учество ќе земат музички педагози од основните училишта и од основните музички училишта од повеќе градови низ Македонија. Работилницата се одржа вчера, понеделник на 28 јуни, во Mалата сала на Народниот театар – Гевгелија. Како предавач на оваа работилница се претстави пијанистката Ловорка Немеш Дулар од Словенија која зборуваше на темата: „Развојот на техниката на свирење, музикалност, групно музицирање и пристап кон современата музика“.
Вечерта, со почеток во 19 часот, во просториите на Народен театар – Гевгелија, целовечерен концерт одржа пијанистката Јасмина Трајческа, која ја прославува својата 20-годишна концертна дејност. На концертот насловен како „Балканска рапсодија“ се изведоа дела од: Бојовиќ, Шопен, Матичиќ и Гершвин, а како гости зедоа учество Ловорка Немеш Дулар (пијано) и Сања Миленковиќ (пијано).
Денеска, на 29 јуни, со почеток од 10 часот, пијанистката Ловорка Немеш Дулар ќе оддржи неколку семинарски часови со ученици по пијано од ООМУ „Васо Карајанов“ – Гевгелија, како и ученици од средните музички училишта во Македонија.
Културната манифестација „Музички образовни средби – Гевгелија 2021“ како проект е поддржан од страна на Oпштина Гевгелија преку Програмата за култура, за 2021 година. Ќе се реализира во соработка со Дом на култура од Гевгелија, а помагатели се Фондацијата “Аполонија” и “Музички моменти” – Гевгелија.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *