ТВ НОВА 12

Вести во Гевгелија и пошироко

ВО ХРВАТСКИОТ САБОР ПРЕТСТАВЕН ПРВИОТ РОБОТ „ПАРЛАМЕНТАРЕЦ“.ДАЛИ ВАКВИТЕ „ПАРЛАМЕНТАРЦИ“ ЌЕ БИДАТ ПОЕФИКАСНИ ОД ДОСЕГАШНИТЕ „ВИСТИНСКИ“ ПРЕТСТАВНИЦИ ВО БИЛО КОЈ ПАРЛАМЕНТ?

Конференцијата за иднината на Европа, организирана од хрватскиот парламент и канцеларијата на Европскиот парламент во Хрватска, беше отворена во присуство на специјален гостин, првиот робот „пратеник“ .
Роботот Пепер, како пратеник во Хрватскиот парламент, ја следеше конференцијата од првиот ред, а веќе на самиот почеток имаше забелешка на начинот на кој претседателот на парламентот, Гордан Јандроковиќ, ја отвори конференцијата.
„Извини, извини“, рече Пепер, мавтајќи со раката. „ Беше прекршен членот, само еден момент да проверам, повреден е членот 238 од Деловникот.
Јандроковиќ одговори дека не е во право и дека ништо не е повредено затоа што не станува збор за пленарна седница на Парламентот, туку за конференција.
На Пепер и тоа не му се допадна, па праша дали може да добие барем реплика. Или можеби исправка на неточна изјава, што предизвика смеа кај присутните во парламентот.
Јандроковиќ не дозволи да биде збунет и му одговори на Пепер дека не може да има право на одговор или исправка на неточно тврдење затоа што не е сеуште решено прашањето за неговата „правна личност“.
Прашање е во иднина, почекајте малку, рече Јандроковиќ. Па тоа не е во ред, одговори Пепер и доби громогласен аплауз.
Јандроковиќ конечно рече дека целиот перформанс е дизајниран да покаже што нè чека во иднина и „ако не бидеме доволно паметни, роботите ќе не контролираат, а не ние нив“.

Напишете коментар

Вашата адреса за е-пошта нема да биде објавена. Задолжителните полиња се означени со *