ТВ НОВА 12

Вести во Гевгелија и пошироко

ПОСВЕТЕТЕ ЈА ОВАА ВЕЧЕР НА НАЈБЛИСКИТЕ. ДЕНЕС Е 15 МАЈ – МЕЃУНАРОДЕН ДЕН НА СЕМЕЈСТВОТО

Меѓународниот ден на семејството беше прогласен од Обединетите нации во 1989 година, а за прв пат беше прославен во светот на 15 мај 1994 година. под слоганот „Денот на семејството не го сочинуваат предмети, туку срдечни односи меѓу родителите и децата“.
Секоја година, различни настани го одбележуваат овој ден, што нè потсетува дека семејството е основа на денешното општество, дека луѓето се создаваат од семејството и семејната средина со нивниот карактер, ставови, верувања што градат иден свет.
Во денешно време, кога семејството честопати нема ниту време ниту услови да се развива во заедништво и толеранција, многу е важно да сфатиме колку е важно семејството, колку се важни нашите родители, браќа, сестри, деца, баби и дедовци … Тие сите се дел од секое човечко суштество, сите тие се важни во развојот на личноста на една индивидуа, и колку подобро, потолерантно, поповрзано семејство имаме, толку се поголеми шансите да воспитаме подобро, потолерантно и поповрзано општеството.
Претворете ги предизвиците од ова време во предности, посветете го ова време на социјална изолација за да ја зајакнете интеракцијата меѓу членовите на семејството, посветете им време на вашите најблиски наместо на социјалните мрежи, пронајдете нови квалитетни начини да го поминувате времето заедно во природа, читање, друштвени игри, учење нова вештина… Прославете го своето заедништво, приврзаноста и љубовта што ја чувствувате едни кон други, во заеднички активности и посветеност кон членовите на семејството.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

Напишете коментар

Вашата адреса за е-пошта нема да биде објавена.