ОД УТРЕ МАКЕДОНЦИТЕ ЌЕ МОЖЕ ВО ГРЦИЈА СО НЕГАТИВЕН ТЕСТ, ПРИМЕНИ ДВЕ ДОЗИ ВАКЦИНА ИЛИ ПРЕЛЕЖАН КОВИД. ГП „БОГОРОДИЦА“ Е ПОДГОТВЕН.
Од утре Грција ги отвора границите за македонските државјани. Веста ја соопшти премиерот Зоран Заев по работна средба со премиерот Мицотакис. Од утре се отвора граничниот премин Евзони за сите граѓани на Македонија кои имаат негативен ПЦР тест, писмен доказ за примени 2 дози вакцина против КОВИД-19 или позитивен резултат за антитела,. Од граничниот премин Богородица пак денес, командирот на ГП Богородица“, Јасмина Аврамска информира дека полициските службеници се целосно подготвени и имаат доволно ресурси да одговорат на потребите на граѓаните.
,, Граничните проверки се подготвени, располагаме со доволен број на полициски службеници, материјално технички средства и се надевам дека ќе одговориме онака како што доликува на овој граничен премин како еден од најголемите гранични премини во државата.,, вели Јасмина Аврамска – командир на ГП Богородица.
