НА KK„ КОЖУВ“ МОЖЕ ДА МУ СЕ СЛУЧИ ДА ИСПАДНЕ ОД ПРВАТА КОШАРКАРСКА ЛИГА
Кошаркарите на Црн Дрим Грин мобиле на гостувањето во Гевгелија, во салата 26 Април, успееја да го победат домаќинот Кожув во првиот натпревар од плеј аут серијата со 83-80. Иако Кожув го доби првото полувреме со еден поен разлика, иако во последната четвртина водеа со шест поени разлика, сепак екипата од Струга направи пресврт, и го доби натпреварот. За да останат во трката за опстанок во Првата кошаркарска лига, кошаркарите на Кожув, ќе треба да го добијат вториот натпревар, кој што се игра во Струга. Доколку се случи Црн Дрим да извојува победа, тогаш гевгелискиот прволигаш ќе се пресели во Втората лига.
Пантиќ со 28 поени и Стаменковиќ со 19 поени и 11 скокови беа најефикасни во редовите на Црн Дрим, додека прв стрелец на Кожув беше Скот со 22 , пред Пајиќ со 19 поени.
