НА ДЕНЕШЕН ДЕН 1872 ГОДИНА РОДЕН ЈАНЕ САНДАНСКИ, ПИРИНСКИОТ ЦАР

WEB Телевизија во живо

На денешен ден 18 мај 1872 година е роден Јане Сандански познат како Пиринскиот цар, Сандан-паша и Старикот-македонски национален херој, војвода и водач на Македонската револуционерна организација. Јане немал широко образование, поради сиромаштијата одвај завршил прогимназија. Но по природа бил надарен со ум, снаодливост и впечатливост. Со својот ум, правилно ги проценувал случувањата и донесувал правилни одлуки.

Еден дел од старите војводи имал одбивен однос кон учителите и воопшто кон интелигенцијата, меѓутоа Сандански се опкружил со великолепни интелектуалци кои ги виделе неговите дарби на водач и му помогнале во неговата револуционерна дејност. Во април 1901 година, за првпат, со осумчлена чета, Сандански агитирал во името на Организацијата.

Истата година, тој и Христо Чернопеев во Разлошко решиле да го грабнат д-р Хаус, протестантски мисионер од Солун. Меѓутоа, д-р Хаус го одложил патувањето и затоа тие решиле да ја киднапираат протестантската мисионерка Мис Стон, која се наоѓала во Банско. Целата акција се усложнила и траела шест месеци.

На 31 јануари 1902 година бил платен откупот, а на 23 февруари 1902 година, грабнатите биле ослободени од Андон Ќосето во селото Градошорци. Бил учесник во Младотурската револуција во 1908 година. Загинал кај месноста Блатата на 22 април 1915 година.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *