КОМИСИЈАТА ЗА ЗАРАЗНИ БОЛЕСТИ МОЖЕ ДА ПРЕПОРАЧА ДА СЕ УКИНЕ ПОЛИЦИСКИОТ ЧАС И НОСЕЊЕТО МАСКИ НА ОТВОРЕНО.
Комисијата за заразни болести, во петок или во понеделник би можела да расправа за евентуално олабавување на анти-ковид мерките. Најверојатно ќе бидат препорачани нови мерки, а дел од сегашните, кои се на сила до 1 јуни ќе престанат да важат.
Актуелната епидемиолошка состојба е поволна.
На целата територија на државата има драстичен пад на новозаразените, има многу исписи од ковид-центрите на пациентите кои болнички се лекувале поради компликации на корона вирусот, а зголемен е бројот на аплицирање на вакцините против Ковид-19. Ваквата ситуација укажува дека најверојатно од почетокот на јуни ќе се препорачаат некои нови мерки, односно ќе се олабават постоечките. Можно е да се препорача укинување на мерката носење маски на отворено, како и полицискиот час кој сега почнува од полноќ и трае до 4 часот изутрина. Доколку се укине полицискиот час можно е и работното време на угостителските локали да се врати по старо, односно до полноќ во деновите од понеделник до петок, и до 1 часот по полноќ за време на викендите.
Но секако, тоа би се однесувало на работењето на локалите само на летните тераси, не во затворено.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
