ТВ НОВА 12

Вести во Гевгелија и пошироко

АК „7-МИ НОЕМВРИ“ ЈА ПОДГОТВУВА ПРВАТА ТРКА „NOVEMBER RUN GEVGELIJA 2021“

Членовите на Атлетскиот клуб „7-ми Ноември“ од Гевгелија забрзано работат на организацијата на првата улична трка „NOVEMBER RUN GEVGELIJA 2021“ која би требало да се организира, на 6-ти или 7-ми ноември 2021 година по повод Општинскиот празник 7 Ноември. Како што не информираа од клубот, нивната идеа е да бидат организирани три трки, и тоа на 10 км, на 5 км, како и детска трка на 1 км. Според нив, стартот и целта на оваа интересна трка би бил пред Народниот театар во Гевгелија, а би се трчало по главните улици во централното градско подрачје, како и по Булеварот Гевгелија.
 
Подготовките околу пријавувањето на учесниците, мапирањето на патеката, изработката на пакетите за трчање, кои секој учесник ќе ги подигне еден ден пред трката, предвидено е да започнат во месец јули.
За оваа трка, веќе е остварена официјална средба и со Градоначалникот на Општина Гевгелија, Сашо Поцков, кој даде поддршка на оваа трка, и вети помош при нејзината реализација од соодветните локални институции. Според членовите на АК „7-ми Ноември“, ваквата трка, која треба да стане традиционална, многу ќе допринесе не само за афирмација на масовниот спорт во општината, туку ќе биде одлична можност за туристичка промоција на самата општина , која располага со голем број на културно историски паметници, како и природни убавини со кои ќе може да се запознаат учесниците на трката од Македонија, а зошто да не и од странство.

Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.

За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!

Напишете коментар

Вашата адреса за е-пошта нема да биде објавена. Задолжителните полиња се означени со *