ТРЕБА ДА ГО ЗАШТИТИМЕ МАКЕДОНСКИОТ ГУЛАБ ВРТАЧ, ЗА ДА НЕ НИ ГО „УКРАДАТ“ КАКО АЈВАРОТ И ШАРПЛАНИНЕЦОТ ?
Според некои податоци, во Гевгелија има над десеттина одгледувачи на гулаби „вртачи“, а во државата вкупниот број на гулаби е околу 10 илјади.
Но, доколку не побрзаме со регистрацијата на оваа племенита македонска птица, велат речиси сите голубари од Македонија, може лесно да ни се случи тоа да го направи некоја друга земја. Како што ајварот стана словенечки производ а шарпланинецот стана српска раса на куче.
Македонскиот вртач може само така да се нарекува, а не и дунек, бидејќи тоа е турско име за гулабот. Гулабот е признат дека е автохтона македонска птица, па дури дека е и со потекло од Струмица, но не е регистриран и затоа секој го краде. Струмичкиот вртач во Србија и во другите држави од поранешната држава стасал по заминувањето на старешините од некогашната ЈНА, кои со себе ги понеле и гулабите што ги одгледувале додека биле на служба во Струмица.
Кога се врши оценување на македонскиот вртач, најпрво се гледа каков му е кружниот лет над гулабарникот и да добие една висина од 200 до 300 метри и кога ќе се пушти друг гулаб на земјата тој почнува вертикално да паѓа и да се врти околу својата оска. Тоа вртење се оценува.
Автохтониот македонски гулаб „вртач“ го има речиси во сите земји од Балканот и Унгарија, но тој лета низ балканското небо без регистрација. Од Здружението „Македонски вртач“ од Струмица велат дека мораме што побрзо да го запишеме во регистарот на Европскиот сојуз на одгледувачи на птици и ситни животни. До целосно признавање како автохтона птица и раса и запишување во регистарот на Европскиот сојуз не дели учество на еден конгрес и одржување на една меѓународна изложба.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
