СПЕКТАКУЛАРНА ИЗЛОЖБА “МОИТЕ ОМИЛЕНИ НЕШТА”, НА МЕНСУР БОЈДА ВО БОГДАНЦИ

Домот на културата „Бранд Петрушев“ и Графичката работилница „Софија“ од Богданци, на 9 август, 2021 година, понеделник, организираат една навистина спектакуларна изложба, која треба да се погледне неизоставно. Изложбата е на младиот Менсур Бојда, ликовен уметник кој во моментов живее и работи во Њујорк. Изложбата започнува во 20 часот, а по Богданци, истата се сели во Јапонија. Менсур Бојда е фигуративен експресионист и неговиот интерест досега се различни ликовни дисциплини како сликарство, цртеж, графика, скулптура, илустрација и стрип. Неговите работи се изложуваат низ Европа, Америка и Азија.

Менсур има повеќе од 20 самостојни изложби и многубројни групни и останати проекти.

Неговите дела се инспирирани од функционалноста, како и од изработката на пијано што создава разновидност на емоции, пораки и идеи од едноставен склоп на правила, на зададен редослед на црно-бели копчиња.

Бојда вели дека славниот Џон Колтрејн еднаш рекол дека главната работа што музичарот би сакал да ја направи е да му даде слика на слушателот на многуте прекрасни работи за кои знае и ги чувствува во универзумот. Колтрејн беше мајстор за експериментирање на нова форма на џез. Експериментирање надвор од хармонична структура, понекогаш игнорирање на ритамот, па дури и поимот соло. Неговиот стил наречен „слободен џез“ ја славеше слободата од правила и структури. Слобода од она што е прифатено или очекувано, како и слобода да замислите нешто.

Иако делата имаат скулпторски квалитети, Бојда инсистира да ги нарекуваат слики, принудувајќи не да ги гледаме како слики. Наспроти коментарот на Колтрејн за обезбедување слика за слушање, делата на Бојда ќе дадат звук на гледачот за тоа што би сакал да слушне или замислува да слушне. Активирајќи ја галеријата како сцена, Бојда внимателно ги конструира сликите на Бојда и цртежите на пијано клавишите, кои се покана за игра на гледачите.