РАБОТНА СРЕДБА ВО МЕЃУОПШТИНСКИОТ ЦЕНТАР ЗА СОЦИЈАЛНИ РАБОТИ ЗА ПОДДРШКА И ПОМОШ НА ЛИЦАТА СО ПОПРЕЧЕНОСТ
По иницијатива на Општинската организација на Црвен крст Гевгелија беше организиран работен состанок за изработка на план за помош на лицата со попреченост и продлабочување на меѓуинституционална соработка и соработката со невладиниот сектор во делот на поддршка на лицата со попреченост.
На средбата беа присутни претставници од ЗЛТИ “Мобилност”, здружението на слепи лица ЗСЛ – Гевгелија и од други здруженија како здружението за лица со интелектуална попреченост ЦПЛИП “ПОРАКА”- Гевгелија за кои во иднина заеднички ќе биде изработен план за нивна инклузија.
На состанокот присуствуваа и новите сертифицирани лични асистенти кои со поддршка од општина Гевгелија посетуваа обука за стекнување на вештини за помош на лицата со попреченост.
Истите имаа можност да се запознаат со претставниците на здруженијата, а и да слушнат позитивни практики од лице кое веќе ја дава услугата како личен асистент на 2 корисници.
Заклучоците од средбата беа прифатени од В.Д. Директорот на Центарот за социјални работи Гевгелија и од сите присутни и се договорија почесто да има вакви средби.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
