ПО ПОВОД ПРАЗНИКОТ СВЕТИ САВА И ДЕНОТ НА СРБИТЕ ВО МАКЕДОНИЈА „СПОНА“ ДОДЕЛИ ПАКЕТЧИЊА НА ДЕЦАТА ОД СРПСКА НАЦИОНАЛНОСТ ВО ОПШТИНА ГЕВГЕЛИЈА

Припадниците на српската заедница во земјава на 27 јануари го одбележуваат празникот Свети Сава, и денот на српската заедница во Македонија. По тој повод, вчера, во Пионерскиот дом во Гевгелија, членови на Српскиот културно информативен центар во Македонија-„Спона“, на децата од српска националност од Општина Гевгелија им подарија пригодни подароци. За животот и делото на Свети Сава, на присутните им се обрати докторката по ветеринарни науки, Драгана Радојчиќ. Таа напомена дека Свети Сава бил првиот српски архиепископ, влијателен дипломат, а СПЦ го слави како свој основач. Инку, 27 јануари е неработен ден за Србите во Македонија и синоним за српскиот народ, за се она што претставува српското духовно битие. Свети Сава е роден е како Растко Немањиќ (1174-1236), се одрекол од земската власт и се замонашил. Тогаш станал Сава.