ОПШТИНА ГЕВГEЛИЈА ОБЈАВУВА ПОВИК ЗА ПРИЈАВУВАЊЕ НА ДЕЦА КОИ ИМААТ ПОТРЕБА ОД ПОСЕТА НА ЛОГОПЕД

Услугата е наменета за корисници од општина Гевгелија и ќе обезбедува превентивни активности, едукација и третирање проблеми во вербалната комуникација кај деца.

Оваа иницијатива на Општина Гевгелија ќе се спроведува во просториите на ЈОУ Работнички универзитет „Кирил и Методија“- Гевгелија (позади Општинското основно музичко училиште „Васо Карајанов“). Се предвидува групна, индивидуална и окупациска терапија за децата со попреченост.

Пријавувањето на заинтресираните започнува од денес, (понеделник, 31.01.2022) и ќе трае до петок (04.02.2022). Пријавувањето ќе се одвива во просториите на ЈОУ Работнички универзитет „Кирил и Методија“- Гевгелија (позади Општинското основно музичко училиште „Васо Карајанов“), секој работен ден од 08:00 до 16:00 часот или на

телефонскиот број 077896808.

Лице за контакт: Tања Ангелкова.