ОПШТИНА ГЕВГЕЛИЈА ГО СТАВА ВО ФУНКЦИЈА НОВИОТ СИСТЕМ ЗА ЕЛЕКТРОНСКО ПЛАЌАЊЕ НА ДАНОК „Е-ДАНОК“

Од денес започнува со работа новиот систем за електронска наплата на сите даночни обврзници во нашата општина. Системот е изработен на квалитетна платформа и ќе работи во соработка со познатиот платежен систем КаСис.

 

Овој проект на Општина Гевгелија и даночното одделение има за цел да го поедностави начинот на плаќање на нашите сограѓани, но и да не доближи до светските трендови во сферата на работењето со платежни картички и новите начини и канали на плаќања.

 

Даночните обврзници на Општина Гевгелија потребно е да се најават на веб страната – https://edanoci.gevgelija.gov.mk и бесплатно може да ги користат електронските услуги: Проверка на доспеан данок по основ на локален данок на имот; Проверка на данок по основ за комунална такса за фирма; Електронско плаќање на доспеаните локални даноци и комунални такси; Еден кориснички профил за сите локални даноци на име на корисникот; Плаќање со било која картичка од било каде 24 часа на ден.