НА 25 СЕПТЕМВРИ 1960 ГОДИНА ЗАПОЧНА СНИМАЊЕТО НА ПРВАТА МАКЕДОНСКА КОМЕДИЈА „МИРНО ЛЕТО“.

Во Охрид почна снимањето на „Мирно лето“, прв долгометражен филм во режија на македонски автор, режисерот Димитрие Османли, а по сценариото на Фрида Филиповиќ и во продукција на „Вардар филм“.Улогите ги толкуваа: Љупка Џундева, Слободан Перовиќ, Дарко Дамески, Илија Милчин, Мери Бошкова, Петре Прличко и Стојка Цекова. Снимен со 35. милиметарска камера и во црно-бела техника, филмот трае 99 минути. Филмот е познат како првата македонска филмска комедија. „Мирно лето“ истовремено е и првата и долго време единствена филмска комедија во Македонија.