КАТЕРИНА ШИПОВИЌ ПОБЕДНИК НА „ПАНКС БЕКЈАРД УЛТРА – АТЛЕТСКАТА ТРКА НА ИЗДРЖЛИВОСТ, СИЛА И ВОЛЈА КРАЈ НЕГОРСКИТЕ БАЊИ
Победничка на втората по ред трка на издржливост „Панкс бекјард ултра“ во организација на здружението „Трекс“ од Скопје е Катерина Шиповиќ која истрча неверојатни 30 круга во вкупна должина од 201 километар. На второто место се пласираше Тасос Леонидис кој истрча 29 кругови во должина од 193,3 километри.
Најдобро пласиран натпреварувач од четворицата претставници на АК „7-ми Ноември“, Влатко Семенаков, Дарко Прошевски, Валентина Узунова и Методија Ичев беше Влатко Семенаков со истрчани 18 кругови во должина од 121 километар
Гевгелија и Негорските бањи втора година по ред овој викенд беа домаќини на Панкс Бекјард Ултра – уникатна атлетска трка којa бара од учесниците да ја завршат патеката долга 6,7 километри во временскиот период од еден час, но трчајќи повторно и повторно следен круг се додека не остане само еден учесник, кој ќе се смета за победник на трката со истрчани најголем број на кругови.
На трката учествуваа 70-тина натпреварувачи од пет држави.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
