ИЗЛОЖБА НА ЦРТЕЖИ ОД КОНКУРСОТ НА ТЕМА „ЖЕНСКИТЕ ПРАВА“

На 14 ноември, понеделник, 2022 година, во Клуб-галеријата на Народниот театар- Гевгелија, со почеток во 13:00 часот, ќе биде отворена Изложбата на цртежи „Женски права“.

Клуб-галеријата ќе биде исполнета со петнаесеттина цртежи на учениците од VI до IX одд. и Ликовната работилница, кои пристигнаа во рамки на Ликовниот конкурс на Општина Гевгелија, на тема: „Женски права “, а во реализација и соработка со Комисијата за еднакви можности на жените и мажите и ЈОУ Дом на култура „Македонија“- Гевгелија.

Имено, цртежите беа оценувани од тричлената комисија, во состав на Мирјана Крстева Массетти, Александар Јанев и Петар Јанчев. Притоа, Комисијата за најдобри ги оцени цртежите на Павле Митров, Живко Станчев и Софија Милосављевиќ од ООУ „Ристо Шуклев“- Негорци, Теодора Манчева од ООУ „Владо Кантарџиев“- Гевгелија и Каја Јанковска од Ликовната работилница.

На Изложбата, на наградените и нивните ментори ќе им бидат врачени Решенијата за парични награди и Дипломите, а на останатите учесници на Ликовниот конкурс врачени Пофалници и симболични награди.