ДЕНЕС Е СВЕТСКИОТ ДЕН НА БРАКОТ

ШТО И ДА МИСЛИТЕ ЗА БРАКОТ НЕ ЗАБОРАВАЈТЕ ЕДНО „САКАЈТЕ СЕ ЕДНИ СО ДРУГИ“

Светски ден на бракот како идеја e прифатен во 1981 година и е посветен на брачните двојки, мажот и жената како столб на семејството, темел на Црквата и општеството. Се слави во втората недела во февруари. Врската помеѓу маж и жена е фундаментална врска во која карактеристиките на личноста и однесувањето на секоја индивидуа и нивната перцепција за себе, чувството на задоволство и самореализацијата значително влијаат на заедништвото што ја формира суштината на врската.

Симболот на Светскиот ден на бракот зборува за мисијата и вредностите што ги претставуваат брачните двојки. Мажот и жената се симболично претставени како две свеќи, потсетувајќи нè дека мажот и жената, брачна двојка, се повикани да бидат светло во светот. Двојката е поврзана со срце што покажува дека љубовта е сила што го чува единството во парот и ја зајакнува подготвеноста да се даде живот и ги инспирира другите на верност и единство.

Некои го сметаат бракот за обичен потпис на лист хартија, за некого тој е најсветата и најважна институција, за трети пак е само мисловна именка… Што и да мислите за бракот, не заборавајте „Сакајте се едни со други“.