АПОЛОНИЈА ХОТЕЛ И КАЗИНО ГЕВГЕЛИЈА ДОНИРАШЕ СОВРЕМЕН КАРДИОГРАФ НА ОПШТАТА БОЛНИЦА СО ПРОШИРЕНА ДЕЈНОСТ ВО ГЕВГЕЛИЈА

Во присуство на градоначалникот на Општина Гевгелија, на директорот на Општата болница со проширена дејност, др. Митко Крџев, директорката Зорица Маркова и сопственичката на „Аполонија“,хотел и казино од Гевгелија, Ингела Клинг, денеска беше дониран современ дигитален кардиограф кој ќе се употребува во дијагностиката на пациентите во интерното одделние на Општата болница.

 

Предавајќи ја донацијата, директорот на Фондацијата „Аполонија“, Аце Ристевски истакна дека веќе 40 години оваа компанија како општествено одговорна фирма дава свој придонес и поддршка во сите пори на општествено-економското живеење на Општина Гевгелија, како во образованието, така и во културата, социјалната заштита, здравството и заштитата на животната средина.При тоа, тој го цитираше мотото на познатиот филантроп, со гевгелиско потекло, Владимир Ралев: „Таму каде една компанија создава профит, таа има морална обврска да помага на локалната заедница
 
Својата благодарност за донацијата ја истакна и директорот на Општата болница со проширена дејност- Гевгелија, д-р Митко Крџев, кој нагласи дека овој современ електрокардиограф (ЕКГ апарат) ќе придонесе во дијагностицирањето на кардиолошки заболувања.