АМБАСАДОРОТ НА ФРАНЦИЈА СИРИЛ БОМГАРТНЕР:

„ИСКРЕНО ВЕРУВАМ ДЕКА ВО НАРЕДНИОТ ПЕРИОД ЌЕ СЕ ИНТЕНЗИВИРА СОРАБОТКАТА МЕЃУ ОПШТИНА ГЕВГЕЛИЈА И ФРАНЦУСКАТА АМБАСАДА.“

 

Амбасадорот на Република Франција во Македонија, г-дин Сирил Бомгартнер по посетата на Општина Гевгелија за ТВ Нова 12 ја даде следната изјава:

 

„ Навистина чувствувам големо задоволство што сум за прв пат во официјална посета на Гевгелија. Со градоначалникот Сарамандов разговаравме за различни теми, но преовладуваше темата за предизвиците со кои се соочува Општина Гевгелија во ова време на економска и енергетска криза.

 

Исто така, разговаравме и за можностите за зајакнување на изучувањето на францускиот јазик во сите образовни установи во општината.

Тема на нашите разговори беше и можноста за поголема економска соработка на Република Франција и Општина Гевгелија, особено, во тие рамки и за поголема туристичка промоција на Општина Гевгелија во Република Франција.

Навистина, има многу перспективи кои стојат пред нас, за кои верувам дека во наредниот период ќе се интензивираат уште повеќе.