ИРИНА ПРОШЕВА, ПРВЕНЕЦ НА ГЕНЕРАЦИЈА НА СОУ „ЈОСИФ ЈОСИФОВСКИ“:

„ПОРАКА ДО ИДНИТЕ ГЕНЕРАЦИИ, ДА ВЛОЖУВААТ ВО СЕБЕ СИ И СВОЕТО ОБРАЗОВАНИЕ, БИДЕЈЌИ КОГА НЕШТО НАВИСТИНА СЕ САКА, И УНИВЕРЗУМОТ ТИ ПОДАВА РАКА“

 

Кога се има желба и амбиции за успех, ништо не е толку тешко и недостижно. Со континуирано учење, посветеност, трудољубивост и истрајност се постигнува успех во секое поле, па така и во образованието. Тој пат кон успехот го започнав во ООУ ,,Крсте Мисирков”, а го продолжив во СОУ ,, Јосиф Јосифовски”. Благодарение на моите драги наставници и професори, со нивното знаење и поддршка, успеав да се стекнам со титулата ,,Првенец на генерација 2023/2024 “ при СОУ,,Јосиф Јосифовски” – Гевгелија. Иако подеднакво ги сакам и општествените и природните науки, сепак своето образование одлучив да го продолжам на Фармацевсткиот факултет при Универзитетот ,,Св. Кирил и Методиј” во Скопје. Оваа моја одлука се должи на мојата желба и љубопитност да истражувам во полето на фармацевстките и биомедицинските науки. Порака до сите идни генерации, да вложуваат во себе си и своето образование бидејќи кога нешто навистина се сака, и универзумот ти подава рака.