РИСТО АТАНАСОВСКИ, ДИРЕКТОР НА „ФЛОРИТ“:

Во Гевгелија, Богданци и Валандово, во рамките на проектот „ Иновации, развој и вработување во земјоделскиот сектор “ на ИНТЕРЕГ ИПА Програмата за прекугранична соработка “Грција – Република Македонија, за програмскиот период 2014 – 2020”, финансиран од Европската унија и националните фондови на земјите учеснички, во тек се Инфо сесии. Целта на овие сесии е да се информираат сите заинтересирани претприемачи како да аплицираат на повикот за учество во проектот и пријавување на иновативни идеи во земјоделско прехранбениот сектор.

 

Еве што, за самиот проект и очекуваните цели од него, специјално за ВЕЧЕР ни изјави директорот на Фондацијата за локален развој и развој на информатички технологии – Гевгелија:

Проектот се стреми да промовира претприемништво во земјоделството со цел да се креираат нови, одржливи агробизниси.

Целта на проектот е да се идентификуваат, поддржат и започнат нови бизниси во земјоделско-прехранбениот сектор, кои имаат иновациски потенцијал и можат да станат мултипликатори, кои ги искористуваат предностите и потенцијалите на регионот.

 

Целна група на проектот е населението од меѓуграничниот регион, особено младата популација која работи во земјоделско-прехрамбениот сектор.

IDEAS се фокусира на паметно земјоделство и производство на квалитетна и безбедна храна. Предвидените проектни активности опфаќаат обуки за примена на теоретски и практични вежби за изучување на алатки за паметно земјоделство, обуки за ЕУ регулативите за здравје и безбедност на храна, набавка и поставување на опрема за паметно земјоделство базирано на LoraWAN технологија, како и мониторинг и техничка поддршка на селектираните бизнис идеи.

 

Од овој проект се очекува 200 млади лица да бидат информирани за можностите за кариерен развој и унапредување во земјоделско-преработувачкиот сектор, 25 апликации на огласот за учество во проектот и пријавубвање на нови идеи, како и 20 млади лица обучени за зајакнување на нивните деловни капацитети и детално осмислување и созревање на нивните идеи во остварливи бизнис модели.“

 

Тој нагласи дека „развојот на секторот позитивно ќе се одрази врз локалната економија, со зголемувањето на вработеноста и со создавање на нови земјоделско-прехранбени бизниси од младите кои сакаат да се вклучат во примарниот и преработувачкиот сектор“. “Паметното земјоделство е концепт на управување фокусиран на користење на напредна технологија во земјоделското производство, која вклучува големи бази на податоци и информатичка технологија за следење, автоматизирање и анализа на операциите”