ВО ЈУНИ 2018 НОВИНАРКАТА ГОНЦА КОЦЕВА И СНИМАТЕЛОТ ОД ТВ НОВА12, ВАСКО ТРАЈКОВ, НАГРАДЕНИ ЗА НАЈДОБРА ПРИКАЗНА ЗА БЕГАЛЕЦОТ НУРИ ОД КАМПОТ „ВИНОЈУГ“ КРАЈ ГЕВГЕЛИЈА

Здружението на новинарите на Македонија во соработка со Македонското здружение на млади правници и Високиот комесаријат за бегалци при Обединетите нации – УНХЦР ги доделија наградите за “Професионално известување за состојбата на бегалците при мешаните миграциски движења за 2017 година во Македонија”.

Во категоријата емисија, прилог или краток документарец првата награда ја освои Гонца Коцева за прилогот под наслов „Бегалска приказна со среќен крај“, објавена на Телеканал А1 Струмица, камера и монтажа Васко Трајков.

 

„Со посветеност и преголема љубов работев на оваа тема, за која награда за мене е и насмевката на чичко Нури. Му подадов рака на бегалецот во тие тешки моменти сочувствувајќи со него и му посакав среќен понатамошен живот.“, изјави Коцева