СОВЕТНИЦИТЕ УТРЕ ЌЕ ОДЛУЧУВААТ ЗА СОПСТВЕНО УЧЕСТВО ЗА РЕАЛИЗАЦИЈА НА 5 ПРОЕКТИ
СОВЕТНИЦИТЕ УТРЕ ЌЕ ОДЛУЧУВААТ ЗА СОПСТВЕНО УЧЕСТВО ЗА РЕАЛИЗАЦИЈА НА 5 ПРОЕКТИ СО КОИ ЌЕ СЕ АПЛИЦИРА НА ПОВИКОТ НА БИРОТО ЗА РЕГИОНАЛЕН РАЗВОЈ:
ПУМПНА СТАНИЦА ВО УМА, РЕКОНСТРУКЦИЈА НА ДОМОТ ВО БОГОРОДИЦА, САНАЦИЈА НА УЧИЛИШТЕТО ВО КОНСКО, ПОСТАВУВАЊЕ КОНТЕЈНЕРИ ВО ГРАДОТ И ОПРЕМА ЗА ДЕТСКИ ИГРАЛИШТА ВО НЕГОРЦИ, ПРДЕЈЦИ И БОГОРОДИЦА
На 8 седница, која ќе се одржи утре, вторник, 26 април (вторник), со почеток во 11 часот, во малата сала на Народниот театар, членовите на Советот ќе расправаат по повеќе предлог-одлуки за обезбедување сопствено учество за реализација на неколку проекти, со кои Општина Гевгелија ќе аплицира на распишаниот Јавен повик на Бирото за регионален развој.
Имено, Бирото за регионален развој распиша Јавен повик за прибирање на предлог-проекти за развој на урбаните подрачја и одржлив и урбан развој, развој на подрачјата со специфични развојни потреби и за развој на селата, на кој Општина Гевгелија ќе учествува со 5 проекти: „Изградба на зафатна градба, пумпна станица и доводен цевковод до постоечки резервоар во село Ума“, „Реконструкција на Младински дом во Богородица“, „Санација, конзервација и реставрација на објект Училишна зграда во Конско“, „Поставување урбана опрема- контејнери и канти за рециклирање на отпад во Гевгелија“ и „Поставување урбана опрема за детски игралишта во Негорци, Прдејци и Богородица“. Согласно условите за аплицирање, Општина Гевгелија треба да обезбеди кофинансирање во висина од 50%, од вкупната вредност на предлог-проектот.
