АНСАМБЛОТ „БОЈМИЈА“ ЌЕ НАСТАПИ НА 36-ОТ ПО РЕД „ЗЛАТЕН КАРАЃОЗ“ ВО БУРСА, РЕПУБЛИКА ТУРЦИЈА

Првиот состав на Ансамбл Бојмија замина на голем меѓународен собир каде од 07-12.07.2024 год, ќе учествува на најголемиот фолклорен фестивал на европските простори, 36-тиот по ред “Златен Караѓоз” во Бурса, Турција. На овој фестивал ќе настапат, покрај домаќините, уште и најдобрите ансамбли од 24 земји од целиот свет со вкупно 720 учесници и тоа од Македонија, Летонија, Унгарија, Молдавија, Узбекистан, Полска, Србија, Словачка, Тајланд, Туркменистан, Уругвај, Боливија, Босна и Херцеговина, Бугарија, Хрватска, Ирска, Шпанија, Јапонија, Казахстан и Колумбија. Да им посакаме успешна турнеја и достојно презентирање на Општина Гевгелија и Република Македонија.