КАДЕТИТЕ НА РК „ПАРТИЗАН“ ЧЕТВРТИ НА ТУРНИР ВО БУГАРИЈА, ВАСКО ЗАЈКОВ ПРВ СТРЕЛЕЦ
Кадетите на Рк Партизан од Гевгелија учествуваа на меѓународниот турнир „Атанас Карабељов“ во „Неврокоп Арена“ во Гоце Делчев , кој се одржа викендов од 13 до 15 октомври, а на истиот покрај екипи од Македонија, учествуаат и екипи од Бугарија и Грција. Организатор на турнирот е РК Пирин 64 од Гоце Делчев од Бугарија. На овој турнир, тимот на „Партизан“ го освои четвртото место, додека младиот играч на гевгеличани, Васко Зајков беше прогласен за најдобар стрелец на турнирот со постигнати 57 голови.
