ЗА ФК „ЗДРАВО“ ОД ДАВИДОВО ВО 1978 ГОДИНА ПИШУВА ВЕСНИКОТ „ВЕЧЕРЊЕ НОВОСТИ“
Нашиот читател и гледач Бранко Ристов ни испрати интересна фотографија и текст објавен во тогашниот најтиражен југословенски весник „Вечерње Новости“, а кој зборува за еден од најмладите фудбалски клубови во тогашна СФРЈ, ФК. „Здраво“ од Давидово.
Автор на текстот е тогаш ученичката Македонка Лазарова, чии браќа тогаш настапувале за овој клуб.
Од текстот дознаваме дека ФК „Здраво“ од Давидово се натпреварува во Општинската фудбалска лига на Гевгелија и постигнува одлични резултати. Името, пишува Македонка им е необично, додека фудбалерите кои настапуваат за него се студенти и ученици кои се собираат само во неделите кога има натпревар. Иако екипата нема Управа, и своите натпревари ги игра во Миравци, тоа не им пречи, со сопствени средства да ја купат опремата и изнајмуваат автобуси за превоз на фудбалерите и навивачите.
Еве што за тимот вели капитенот и најдобриот стрелец на ФК „Здраво“, Ване Стојановски:
„Имаме најдобар тим во општината, играме најдопадлив фудбал , имаме најмногу навивачи и постигнуваме најдобри резултати иако немаме Управа и немаме свој стадион. Им благодариме на комшиите од Миравци што ни дозволуваат да играме на нивниот терен. Името на клубот го даде најмладиот навивач кој има само 14 години и посака овој клуб да игра како „Црвена Ѕвезда“ од Белград.“
На фотографијата се следниве фудбалери:
Стојат, од лево на десно Бранко Ристов, Драги Андонов,Владо Лазаровски, Благој Динолов(сега починат)Боро Ристовски, Илија Стојчевски,Атанас Василев(починат),и Крсо Костадинов. Клечат, од лево на десно, Илија Лазаровски(починат), Крсте Јованов, Јован Стојков(починат), Мирко Ристовски-Караман и Митко Ристовски
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
