70 ГОДИНИ ОД РАЃАЊЕТО НА ГОРАН СТЕФАНОВСКИ
Иднината никако да дојде, минатото никако да си отиде, а ние овде глумиме сегашност.“ – „Тетовирани души“
На 27 април 1952 година е роден еден од најголемите македонски драмски пистатели, Горан Стефановски. еден од најдобрите драматурзи во историјата на Република Македонија, човек кој и ден денес го цитираме и постојано се навраќаме на неговите мисли. Зарем има човек во Македонија кој во најмала рака не чул за „Диво месо“ или „Лет во место“? А можеме и со часови да зборуваме за другите драми како „Дупло дно“, „Демонот од Дебар маало“, „Тетовирани души“, „Хај-фај“, итн.
Тој е автор и на детската серија „Бушава азбука“, серија со која пораснаа многу, многу генерацииУметноста отсекогаш била дел од оваа фамилија, бидејќи нивниот татко Мирко бил театарски режисер, а мајка им Нада, актерка.
Покрај театарот, Стефановски беше вљубеник и во англискиот јазик и во британската култура. Предавал англиска литература, со особен акцент на неговиот омилен Шекспир. Се истакнува и со своите драми, кои секогаш се трагични, парадоксални, а во голема доза и сатирични.
Драмските дијалози во неговите дела и по 30 години ја отсликуваат актуелната реалност во Македонија. Делата на Стефановски се изведувани на сите македонски сцени, во сите некогашни југословенски културни центри, како и во големите театарски центри во светот: Париз, Будимпешта, Лондон, Софија, Москва Во март во МНТ беше поставена претставата „За нашиот Горан“, а во Драмскиот театар се изведува „Моето име е Горан Стефановски“.
Стефановски почина во 2018 година, во Кантербери, Велика Британија.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
