ЗАСАДЕНИ 4.000 САДНИЦИ ВО ДЕНЕШНАТА АКЦИЈА НА ЗДРУЖЕНИЕТО „CHANGEMAKERS“

Денеска, Здружението „„CHANGEMAKERS“, во соработка со ЈП Национални шуми-Шумско стопанство „Кожув“, организираше акција за пошумување. 

На теренот во близина на Новата депонија кај Ново Конско, триесеттина учесници , меѓу кои беа членовите на ова здружение, вработени во Национални шуми-ШС Кожув, вработени во ЈПКД „Комуналец“, како и планинари од ЗПСК „Кожуф“, засадија 4.000 садници на црн бор и багрем. 

Од здружението ни изјавија дека се задоволни од денешниот одзив, со оглед на тоа што беше работен ден, и најавија и натаму организирање на вакви слични акции во наредниот период.