ВО ГЕВГЕЛИЈА ИЗБРАНИ ОСУМ ЛИЦА ЗА НЕГУВАТЕЛИ ЗА ПОМОШ И НЕГА НА СТАРИ ЛИЦА И ЛИЦА СО ПОПРЕЧЕНОСТ
Во Гевгелија беше извршено селектирање на пријавените кандидати за негуватели за помош и нега на стари лица и лица со попреченост.
На огласот се пријавија 18 лица, од кои селектирањето го поминаа осум.
Претходно беше извршена селекција на кандидати во Радовиш, а обуката за избраните почнува на 6 септември.
Селекцијата на кандидатите се спроведува врз основа на објавениот оглас за верификацијата на посебната програма за негувател/ка за помош и нега на стари лица и лица со попреченост на Црвен крст на Република Македонија-Општинска организација Струмица, во рами на проектот „Развој на деловни услуги за интегрирана грижа и поддршка во ЦКРСМ“, поддржан од Австриската агенција за поддршка на развојот, Австрискиот црвен крст, Црвен крст на РСМ и Швајцарскиот црвен крст.