УТРЕ, САБОТА, СО ТЕАТАРСКАТА ПРЕТСТАВА „КУФЕРКО, СВЕТСКИОТ ПАТНИК ОД МАКЕДОНИЈА“ ВО ГЕВГЕЛИЈА ЗАВРШУВА ОДБЕЛЕЖУВАЊЕТО НА СВЕТСКАТА НЕДЕЛА НА ДЕТЕТО.

Во рамките на одбележувањето на Светската недела на детето, во сабота, на 9 октомври, во Големата сала на Народниот театар, со почеток во 18:00 часот, пред најмладата гевгелиска публика ќе биде одиграна „Куферко, светскиот патник од Македонија“, во режија на Трајко Јордановски, а по текст од истоимената книга на м-р Симона Ристевска. Во претставата играат: Билјана Дабеска, Билјана Бајевска, Невен Силјановски, Мартина Аврамовска, Симона Јовчевска, Агим Бафтии и Маја Стојанова. Низ актерската игра, преку патувањата на малиот љубопитен Куферко, децата ќе се запознаат со неговиот волшебен свет и посетите на значајни места во државата, а ќе го го збогатат знаењето за разновидноста на нивната татковина.

– Куферко, светскиот патник од Македонија, е мало и љубопитно, темпераментно срамежливо куферче, олицетворение на децата или на детето кое постои во секој од нас. Тој е симбол и спој на македонската традиција и историја, јазикот и културата, хуманоста и етиката. Нашиот верен и искрен другар, кој на лесен и забавен начин ќе не воведе во неговите секојдневни активности и лудории, преку дестката игривлост и наивност и на позитивен начин ќе не воведе во својот волшебен свет, вели Симона Ристевска, за својот лик од нејзината книга.