УЛТРАМАРАТОНЦИТЕ ОД МАКЕДОНИЈА ПРИМЕНИ ОД АМБАСАДОРОТ НА МАКЕДОНИЈА ВО ХРВАТСКА МИЛАИМ ФЕТАИ, ДИРЕКТОРКАТА НА КИЦ ВО ЗАГРЕБ НАТАЛИЈА ПОПОВСКА И СВЕШТЕНИКОТ ВЕЛИНСКИ ВО ЦРКВАТА „СВ. ЗЛАТА МЕГЛЕНСКА“ ВО ЗАГРЕБ.

Македонските ултрамаратонци, Тоше Анчев, Наум Капричевски, Никола Гелов, Фидан Арсовски и Александар Митревски,кои по 14 пат, од утре, 14 октомври до 16 октомври, ќе го трчаат маратонот од Нова Градишка до Крушево, родното место на Тоше Проески, веќе се во Загреб.

Тие денес беа примени од амбасадорот на Македонија во Хрватска, др.Милаим Фетаи и од директорката на Културно информативниот центар на Македонија во Хрватска, Наталија Поповска. Исто така тие ја посетија и црквата Света Злата Мегленска во Загреб, која е во изградба и се сликаа со првата икона внесена во оваа нова црква и со парохискиот свештеник, ставрофор Киро Велински.

И оваа година маратонот е во организација на Националната установа Спомен куќа Тодор Проески и на Одбојкарскиот клуб Синалко од Крушево.