УЛИЦИТЕ ВО СТАНБЕНАТА НАСЕЛБА „КАРАОРМАН“ ГО ДОБИВААТ СВОЈОТ КОМПЛЕТЕН ИЗГЛЕД

Во станбената населба „Караорман“ во Гевгелија привршуваат градежните работи од првата фаза за асфалтирање на улиците „Апостол Петков“ и „Павел Шатев“. Станува збор за асфалтирање во должина од 400 метри, додека во втората фаза ќе се доасфалтираат останатие 450 метри. Со завршување на изведбените работи на улиците, жителите на станбената населба „Караорман“ добиваат комплетна патна и комунална инфраструкура. По долгогодишниот проблем со платениот комунален надомест, а немањето комунални услуги, станбената населба веќе ги исполнува сите основни услови за живот на станарите- обезбедена комунална и патна инфраструктура. За тоа зборува големиот интерес на граѓаните за домување во оваа станбена населба.