НОВОГОДИШНИ ПАКЕТЧИЊА И ПОДАРОЦИ ЗА ДЕЦАТА И ЛИЦАТА СО ПОПРЕЧЕНОСТ

СИТЕ СМЕ ДЕЛ ОД ИСТА СЛОЖУВАЛКА

Градоначалникот на општина Гевгелија,Aндон Сарамандов беше во посета на Дневниот центар за лица со попреченост и Центарот „Мајка Тереза“. Тој на штитениците им подари новогодишни пакетчиња и подароци. При посетата, градоначалникот од страна на одговорните беше запознат со работењето и условите на Центрите во кои се згрижени децата на различна возраст. Сарамандов им ја честита Новата година, посакувајќи им здравје, среќа, успех и бериќет.
Во знак на благодарност за новогодишните пакетчиња и подароци, градоначалникот Сарамандов доби мало внимание- рачни изработки кои дечињата згрижени во Центрите ги изработуваат на работилниците за стекнување вештини.