„СИТЕ ЛИЦА НА КОЖУФ“-ИЗЛОЖБА НА ФОТОГРАФИИ НА ДИМИТАР НОВАКОВ.

Националната установа Музеј Гевгелија вечерва, вторник, 15 октомври организира изложба на фотографии „Сите лица на Кожуф“ од Димитар Новаков. Изложбата ќе биде отворена во Уметничката галерија „Амам“ со почеток од 20 часот и е реализирана со поддршка на и Министерството за култура и туризам на Република Македонија.

Инаку, гевгеличанецот Димитар Новаков е фотограф и визуелен уметник кој од 2014 година фотографира пејзажни и улични фотографии со цел да покаже колку навистина е убав светот кој не опкружува.

За Димитар Новаков фотографијата е повеќе од хоби. Неколку негови фотографии имаат освоено награди на конкурси. До сега има одржано три самостојни изложби во Гевгелија, а има учествувано и во повеќе групни изложби во земјата и странство.