ПОВИК ЗА БЕСПЛАТНИ ФИЛМСКИ РАБОТИЛНИЦИ ЗА МЛАДИ „PRIFEST“
Филмски ентузијасти на возраст од 15 до 25 години од земјите од Западен Балкан може да се пријават најдоцна до 25 август за учество на работилница Prishtina Kino Kabaret.
Младите од Македонија и од останатите пет земји од Западен Балкан имаат нова можност за бесплатна едукација од областа на филмот. Мрежата Edu Cuts, како дел од проектот „Култура и креативност за Западен Балкан (CC4WBs)“,поддржан од British Council, објавува повик за учество на млади филмски ентузијасти на програмата Prishtina Kino Kabaret, што го организира фестивалот 16. издание на PriFest– International Prishtina Film Fest.Фестивалот ќе се реализира од 10 до 15 септември 2024 во Приштина, Косово.
Овој настан нуди интензивно филмско искуство каде учесниците ќе се вклучат во креативни аудиовизуелни работилници и ќе соработуваат на кратки филмски проекти во ограничена временска рамка. Работилницата што ќе се реализира за време на фестивалот (10 до 15 септември 2024), ќе вклучува едукација, креативност и интеракции со експерти и врсници од земјите од Западен Балкан кои имаат заеднички интерес за аудиовизуелната и филмската уметност, заедно со подготвеноста за тимска работа под надзор на ментори.
За да добијат поддршка од Edu Cuts, апликантите мора да се на возраст помеѓу 15 и 25 години, да знаат англиски јазик, да бидат државјани на една од земјите од Западен Балкан (Косово, Албанија, Македонија, Србија, Босна и Херцеговина и Црна Гора). Примените учеснициќе добијат потврда по имејл од фестивалот дека се прифатени да учествуваат.
Заинтересираните треба да го пополнат следниот формулар: https://forms.gle/swk1H9XiwGgDfANm7
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
