ПОБЕДНИЦИ НА МЕМОРИЈАЛНИОТ ТУРНИР „ИВАН ПЕНОВ 2024“ СЕ „ДОН АНДОН“ КАЈ СЕНИОРИТЕ, „CABRELA CAFFE“ КАЈ ЈУНИОРИТЕ , И „CHECK MATES“ КАЈ ЖЕНИТЕ
Меморијалниот турнир во баскет 3х3 „Иван Пенов“, во организација на семејството и пријателите на Пенов, се одржа од 31 јули до 4 август, на кошаркарското игралиште во Гевгелија.
На Турнирот, учествуваа 20 екипи од општина Гевгелија, во три категории- сениори, јуниори до 17 години и девојчиња.. Кај сениорите, победник стана екипата на „Дон Андон“, кај јуниорите – Cabrela caffe, а помеѓу женските екипи Check Mates.
Илија Колев е прогласен за најдобар играч, Јордан Кузманов за најдобар во забивање, а Живко Старделов за најдобар шутер за тројки.
За најмлад МВП на турнирот е прогласен Лука Чучанов.
На завршниот ден, свечено им беа доделени парични награди и признанија на пласираните екипи, во чест на трагично загинатиот Иван Пенов, член на КК „Кожув“- Гевгелија.
