ОПРЕДЕЛЕН КУЌЕН ПРИТВОР НА ЧЕТИРИТЕ ЛИЦА КОИ ОДГЛЕДУВАЛЕ МАРИХУАНА
Гевгелиското Основно јавно обвинителство почна постапка против четири лица, едно од селото Негорци и тројца од Гевгелија, поради сомнение дека сториле кривично дело неовластено производство и пуштање во промет наркотични дроги.
Осомничените во периодот од мај до септември годинава неовластено и заради продажба одгледувале марихуана на седум локации на местото наречено Жабјак во близина на селото Негорци.
Тие засадиле по 100-ина семки од канабис, ги наводнувале, ги отстранувале непотребите листови и ги врзувале со манила за да не се скршат.
На 1 септември годинава, кога растенијата биле во фаза на цветање и со висина од 20 до 280 сантиметри, осомничените биле затекнати од страна на полицајци во намерата да ги соберат цветните завршоци за да ги сушат. Притоа вкупно биле пронајдени 381 стебло од растението канабис, односно по 95-96 стебла кај секој од осомничените.
Од страна на судија на претходна постапка при Основниот суд Гевгелија, по барање на Обвинителството, донесени се решенија со кои на секој од осомничените му е определен куќен притвор во траење од 30 дена.
Бесплатно преземање е дозволено со задолжително цитирање на медиумот и хиперлинк до оригиналната содржина на tvnova12.mk.
За сите споделени фотографии (графики), ТВ Нова 12 има екслузивно право да ги користи или истите се превземени од социјалните медиуми, запазувајки го кодексот на "фер употреба" - корисни за општеството (ТВ НОВА 12 има за цел да информира и известува и употребата на фотографиите (графиките) е исклучливо за некомерцијални цели).
Доколку, материјата на фотографиите (графиките): навредува, нарушува углед, или негативно отсликува состојба, или не е запазено авторското право Ве молиме контактирајте не, за да соодветно реагираме!
