НОВОГОДИШЕН КОНЦЕРТ НА АНСАМБЛОТ „БОЈМИЈА“

И оваа година нема да изостане традиционалниот Новогодишен концерт на еден од најдобрите ансамбли за традиционална музика и игра во Македонија, „Бојмија“.

На љубителите на народниот мелос кои ќе дојдат во Народниот театар, играорците од првиот состав и ветераните на овој ансамбл се подготвени да им приредат уште една незаборавна вечер со изведба на народни песни и ора во својот оригинален пристап во презентирањето на народниот фолклор.

Концертот ќе се одржи на 21-ви декември 2022 година(четврток), со почеток во 19,30 часот, а влезниците чинат 150 денари.

 

Во ансамблот „Бојмија“ членуваат членови од најразлични возрасти. „Бојмија“ брои околу 130 активни членови кои работат во три групи кои се поделени според нивната возраст.

Репертоарот во Ансамблот „Бојмија“ е разновиден тој негува игри и песни од сите краеви на Македонија. Игрите и песните се изведуваат си автентични носии од регионот од кој потекнува играта.

Ансамблот „Бојмија“ покрај народните носии поседува и инструменти и свој оркестар кој е дел од сите настапи на ансамблот во земјата и во странство.