НОВОГОДИШНИТЕ ЧЕСТИТКИ ЈА ИЗГУБИЈА БИТКАТА СО ЕЛЕКТРОНСКИТЕ ПОРАКИ

На денешната генерација млади очигледно не им недостигаат новогодишните честитки, тие неколку зборови во нив, таа емоција која со честитката, нивните родители баби и дедовци грижливо ги пишуваа пред секоја Нова година, ги пакуваа во пликови и ги испраќаа на стотина адреси на своите блиски и подалечнио роднини и пријатели.

 

Сега дојде друго време, се помалку има тезги на кои се продаваат блескавите новогодишни честитки. Сега е полесно на месинџер, вибер, мејл ли инстаграм да испратите инстант подготвени електронски честитки и… сте завршиле работа.

Но не е така. Велат, Нова година без честитка е исто како елка без украси.

Можеби тоа е само уште еден доказ за отуѓување меѓу луѓето. Искрено, мене најмногу ми фалат новогодишните честитки, и затоа си купив, онака за душа, две, лично за мене, да ми го топлат срцето целата 2024 година.