НА ДЕНЕШЕН ДЕН 1984 ГОДИНА Е ПРЕТСТАВЕН „ТЕТРИС“, ЕДНА ОД НАЈПОЗНАТИТЕ ВИДЕО ИГРИ ВО СВЕТОТ
Тетрис е логичка видео игра, објавена на скоро сите платформи за игри. Тоа е една од најпознатите видео игри воопшто. Играта е направена на 6 јуни 1984 година од рускиот научник Алексеј Пажитнов (Алексеј Пажитнов). Пажитнов работел како програмер во компјутерскиот центар на Советската академија на науките.
Името „тетрис“ потекнува од грчкиот префикс „тетра-“ („четири“), затоа што сите делови се составени од четири сегменти, и тенисот, омилениот спорт на Пажитнов. Верзијата на играта за платформата IBM PC ја направија пријателите на Пажитнов, Дмитриј Павловски и Вадим Герасимов. Еден од креаторите на оригиналната игра Тетрис е Армен Саркисијан.
Тетрис дури се појави како дел од уметничка изложба на Универзитетот Браун во САД. Исто така, во 2007 година го освои второто место во изборот на „100 најдобри видео игри на сите времиња“ на порталот IGN.
Тетрис најголемиот дел од својата популарност го стекна на Nintendo-вата конзола „Game Boy“, на кој беше издаден во 1989 година. Распространетоста на конзолата го направи Тетрис славен до тој степен што стана неизбежен дел од популарната култура.
